मूग ऑम्लेट

साहित्य :

• मूग डाळ - १ वाटी
• हळद - १/४ चमचा
• तांदळाचे पीठ - २ चमचे
• मीठ - चवीनुसार
• जिरे - १/२ चमचा
• हिरवी मिरची - १ ते २
• आलं पेस्ट - १ चमचा
• खाण्याचा सोडा - १/२ चमचा
• कांदा - १
• टॉमॅटो - १
• शिमला मिरची - १
• तेल
• चिस
• टॉमॅटो सॉस

कृती :

१) एक वाटी मूगाची डाळ ३० मिनिटे पाण्यात भिजत ठेवा.

२) भिजलेली मूगडाळ मिक्सर मध्ये बारीक वाटून घ्या.

३) वाटलेल्या डाळीमध्ये तांदळाचे पीठ, हळद आणि चवीनुसार मीठ घालून ते एकजीव करून घ्या. ( हे मिश्रण खूप जास्त पातळ करू नये.)

४) एकजीव  केलेल्या मिश्रणात एक चमचा हिरवी मिरची, आलं पेस्ट, २ चमचे बारीक कापलेला कांदा, २ चमचे बारीक कापलेले टमाटर, थोडी शिमला मिरची आणि थोडा खायचा सोडा टाकून मिश्रण ढवळून घ्या.

५) एका पॅन मध्ये १ चमचा तेल घालून वरील मिश्रण ऑमलेट प्रमाणे गोलाकार टाकून दोन्ही बाजून खरपूस भाजून घ्या.

६) तयार ऑम्लेटवर  टोमॅटो सॉस आणि चिस टाकून सर्व्ह करा.